Dhuna në familje mbetet problem madhor në vendin tonë. Pak javë më parë, Saimir Bakalli u padit nga bashkëshortja e tij, Liljana, për shkak të një xhelozie për këngëtarin e njohur, Sinan Hoxha. Sherri nisi rëndom e madje mund të përfundonte tragjikisht.

Kjo ngjarje u diskutua ditën e sotme në emisionin “Shqipëria Live” në Top Channel, ku e ftuar ishte edhe ish-konkurrentja e “Për’puthen”, Antoneta Koçi. Kjo e fundit tregoi madje edhe mesazhet që ka marrë nga djem dhe vajza kur ajo ishte pjesë e reality show-t.

“Më vinin mesazhe të tipit ‘për ty do kisha lënë gruan’. Mua në fakt këto nuk më dukeshin aspak si komplimente. Por kam patur edhe mesazhe nga vajzat që më shkruanin se të dashurit e tyre më kishin fiksim. Në momentin që çifti është mendje hapur, komente të tilla bëhen lehtë, pasi nuk është aspak problem të pëlqesh një person publik. Por në momentin që e di që i dashuri apo e dashura jote nuk i pranon këto batuta, atëherë mos i bëj. Ose kur bën një batutë, atëherë duhet të presësh edhe kundra përgjigjen”, tha Antoneta.