Përballje interesante në Superligë

15 nëntor 2019 | 12:12

Xhiroja e 11-të e Superligës së Kosovës në basketboll do të zhvillohet sot (premte) dhe nesër (e shtunë). Ndeshja e parë do të jetë ndërmjet Golden Eagle Yllit dhe Lipjanit.

Ylli nga tetë ndeshje të zhvilluara deri më tani ka pesë fitore dhe tri humbje, kurse lipjanasit kanë nëntë humbje nga po aq ndeshje të zhvilluara. Sot, gjithashtu, ballafaqohen edhe rivalët e vjetër, Bashkimi dhe Trepça. Prizrenasit e kanë nisur mirë kampionatin, duke shënuar shtatë fitore dhe dy humbje, kurse mitrovicasit kanë dy fitore dhe gjashtë humbje. Rahoveci të shtunën do të ndeshet me Feronikelin, skuadrën që ia ka shkaktuar humbjen e vetme në këtë edicion.

“Vreshtarët” janë liderë me tetë fitore dhe një humbje, kurse skuadra nga Drenasi ka tri fitore dhe gjashtë humbje. Xhiroja e 11-të përmbyllet me sfidën shumë interesante në mes të Ponte Prizrenit dhe Sigal Prishtinës, që janë renditur në vendin e tretë, përkatësisht të katërt. Ponte Prizreni ka pesë fitore dhe katër humbje, kurse Prishtina ka pesë fitore dhe tri humbje.

SUPERLIGA – Java 11

Të premten takohen:
17:00 Golden Eagle Ylli – Lipjani
19:00 Bashkimi – Trepça

Të shtunën takohen:
17:00 Rahoveci – Feronikeli
19:00 Ponte Prizreni – Sigal Prishtina

/Epoka e re/

Fjalët Kyçe:

Lajme të sponsorizuara

Të fundit
Përfaqësuesja e Kosovës ka mundësi të madhe që finalen e…