Drejtori i të ashtuquajturës zyrë serbe për Kosovën, Petar Petkoviq i ka reaguar kryeministrit Albin Kurti në lidhje me deklaratën për të pagjeturit.

Petkoviqi nëpërmjet një shkrimi në “Twitter”, ka deklaruar se zëvendëskryeministri i Kosovës, Besnik Bislimi nuk ka pranuar të flasë për personat e zhdukur dje në Bruksel.

“Ju vazhdoni të shkëlqeni, Albin Kurti. Si dje dhe ‘eksperti’ Bislimi në Bruksel, i cili nuk pranoi të flasë për zbardhjen e fatit të personave të zhdukur, edhe pse Beogradi insistonte për këtë. Ju duhet të gënjeni, sapo keni ikur dje nga tema e të zhdukurve”, ka pretenduar Petkoviqi.