Njësiti i hetimeve i Drejtorisë Rajonale të Policisë së Kosovës në Pejë, ka zbatuar urdhër-kontrollin e Gjykatës Themelore.

Gjatë kontrollit të shtëpisë të një të dyshuarit dhe objekteve përcjellëse njësitet policore kanë gjetur dhe konfiskuar: një pushkë automatike “AK47”, një karikator, dhjetë fishekë 7.62 mm, një granat dore “M57”, një granat dore “M52’, një jelek antiplumb, një pllakë antiplumb, dhe një veturë me targa te huaja e cila është dërguar në doganë.

Sipas policisë, pas intervistimit i dyshuari me vendim të prokurorit është ndaluar për 48 orë.