Policia në zbatim të masave anti-Covid

07 prill 17:03

Policia e Kosovës ka filluar kontrollet në terren për të parë zbatimin e masave të reja anti-Covid.

Sipas njoftimit për medie të policisë, të gjitha aktivitetet dhe masat e deritanishme ky institucion po i ndërmerr në koordinim të plotë me të gjitha institucionet kompetente në fushën e shëndetësisë dhe institucionet e tjera relevante, konform angazhimeve dhe detyrave sipas planit për gatishmëri dhe reagim.

“Planifikimet operacionale kanë për qëllim bashkëpunimin dhe koordinimin e aktiviteteve me institucionet qendrore dhe lokale që janë kompetent për luftimin dhe parandalimin e rreziqeve nga virusi në fjalë si dhe përballjen me situatat e këtij lloji, në drejtim të koordinimit dhe reagimit me kohë. Me qëllim të respektimit të masave mbrojtëse, parandalimit të përhapjes së pandemisë duke vënë në pah interesin e shëndetit publik, Policia e Kosovës është duke realizuar detyra konkrete në gjithë territorin e Kosovës, duke aplikuar kontrolle të përbashkëta në trafik, në transportin e udhëtarëve, në qendra tregtare, lokale afariste etj., përfshirë edhe shqiptimin e gjobave ndaj atyre që nuk zbatojnë këto masa”, është thënë në njoftimin e policisë.

Policia e Kosovës ka apeluar tek të gjithë qytetarët që t’u përmbahen rregullave dhe t’i respektojnë masat anti-Covid, të mbajnë distancën, të vendosin maskën dhe të pastrojnë duart.

May be an image of outdoors

May be an image of indoor

May be an image of one or more people

May be an image of outdoors

 

Lajme të sponsorizuara

Të fundit
Skuadra e Dukagjinit e ka mposhtur Istogun në ndeshjen e…