Presidenti Ademi shtroi darkë për delegacionin e Qipros
26 shtator 2022
| 21:36
Në prag të ndeshjes së nesërme, Kosova – Qipro, presidenti Agim Ademi sipas traditës ka shtruar darkë për delegacionin e Federatës së Futbollit të Qipros dhe delegatin e UEFA-s.
Kreu i FFK-së i uroi mirëseardhje mikut të tij Giorgos Koumas dhe delegacionit qipriot, teksa vuri në pah marrëdhëniet e shkëlqyeshme mes dy federatave.
Në anën tjetër kreu i futbollit qipriot e vlerësoi presidentin Ademi si mikëpritës të madh dhe udhëheqës që ka bërë punë të madhe në progresin e futbollit kosovar në vitet e fundit.
Ademi e Koumas uruan për një lojë fer dhe të pëlqyeshme, teksa në fund shkëmbyen edhe dhurata.