Presidentja Osmani kërkon ndihmën e Bangladeshit për njohje të reja

23 shtator 15:48

Presidentja e Republikës së Kosovës, Vjosa Osmani, në kuadër të vizitës në Nju Jork ka takuar kryeministren e Bangladeshit, Sheikh Hasina Wazed.

Marrëdhëniet ndërmjet dy shteteve janë vlerësuar miqësore, teksa presidentja Osmani ka theksuar domosdoshmërinë e avancimit të marrëdhënieve ndërshtetërore.

Në përpjekjen e Kosovës për konsolidimin e pozitës ndërkombëtare, presidentja Osmani ka theksuar se Kosova e sheh Bangladeshin një aleat, andaj ka kërkuar ndihmën e këtij shteti për njohje nga vendet fqinje të tij.

Në të njëjtën kohë, presidentja Osmani ka kërkuar mbështetjen e Bangladeshit për anëtarësim në organizatat ndërkombëtare.

Sipas presidentes Osmani, Kosova do të bëj përpjekje për rritjen e shkëmbimit tregtar me këtë shtet.

Në takim me Sheikh Hasina është diskutuar edhe për një sërë marrëveshjes, të cilat pritet të nënshkruhen ndërmjet dy shteteve, në mesin e të cilave edhe ajo për shmangien e tatimit të dyfishtë dhe parandalimin e evazionit fiskal.

Lajme të sponsorizuara

Të fundit
Mëngjesin e së premtes ka qenë prezent në prefekturën e…