Qendra për Punë Sociale në Mitrovicë pajiset me dhomë miqësore për fëmijët

09 korrik 17:30

Në kuadër të projektit “Mbështetje për shërbime më të mira sociale”, Qendra për Punë Sociale në Mitrovicë është pajisur me një dhomë miqësore për fëmijët të cilët kanë nevojë për përkujdesje të marrin shërbime nga kjo qendër.

Ky projekt është realizuar nga Organizata “Save the Children” në bashkëpunim me Caritas Kosova dhe është financuar nga European Union Kosovo dhe Sida – Styrelsen för Internationellt Utvecklingssamarbete.

Me këtë rast drejtoresha për Integrime Evropiane dhe Mirëqenie Sociale, Nazan Kërveshi, ka falënderuar organizatat në fjalë të cilat mundësuan realizimin e një projekti të tillë mjaft i nevojshëm për komunën tonë.

Dhoma është e pajisur me lodra dhe materiale të ndryshme për fëmijë për ta bërë këtë dhomë më miqësore për fëmijë dhe për të ngritur nivelin e cilësisë dhe efikasitetit të punës së zyrtarëve nga Qendrat për Punë Sociale.

/Epoka e re/

Lajme të sponsorizuara

Të fundit
Partia Laburiste e Britanisë së Madhe i ka bërë thirrje…