Qumështarët do të protestojnë pranë AUK, akuzojnë Qeverinë se s’ndërmori masa për ndalimin e importit të qumështit me vaj palme

26 nëntor 2020 | 20:21

Shoqata e Qumështorëve të Kosovës, ka bërë të ditur se do të protestojë pranë Agjencisë së Ushqimit dhe Veterinarisë, ku do të derdhin dhe qumështin si shenjë pakënaqësie.

Ata thonë se Qeveria përveç premtimeve se do të i ndihmojë prodhuesit dhe përpunuesit vendorë të qumështit, nuk ndërmori pothuajse asgjë në drejtim të ndalimit të prodhimeve mashtruese.

“Këshilli koordinues i fermerëve, pikave grumbulluese dhe disa përpunuesve në takimin e mbajtur sot, analizoi gjendjen momentale në Industrinë e Qumështit. Nga faktet e prezantuara rezulton se gjendja vazhdon të jetë shumë e rëndë dhe e pa kalueshme. Diskutimet në Parlamentin e Kosovës me komisionin parlamentar ishin serioze dhe përmbajtjesorë, por ato nuk dhanë asnjë rezultat sepse nuk kishte asnjë veprim konkret për të tejkaluar problemet”, thuhet në njoftim.

Sipas tyre, AUV nuk ndërmori asnjë veprim të vetëm për të ndaluar prodhimet mashtruese dhe shumë të dëmshme me vaj palme, qoftë nga importi apo vendore dhe për këtë kanë vendosur të protestojnë.

“Ministria e tregtisë në anën tjetër e shfuqizoi vendimin që kishte sjellë pak më herët për ndalimin e importit të prodhimeve të ashtuquajtura të qumështit me vaj palme qoftë nga importi apo vendore .Të ndodhur para një situate të tillë , këshilli koordinues mori vendim që të fillohet me përgatitjet për protestë masive e cila fillimisht do të mbahet pran zyrave të AUV -së e shoqëruar me derdhje qumështi”, thuhet më tej.

Këshilli koordinues u dakordua që para mbajtjes së protestave të diskutojë edhe një herë me institucionet relevante dhe përgjegjëse, për të gjetur zgjidhje në mënyre që të shmanget kapitullimi i Industrisë së Qumështit.

Lajme të sponsorizuara

Të fundit
Zëvendëskryeministri i Republikës së Kosovës, Driton Selmanaj, sot mori pjesë…