Rama për finalen e Ligës së Konferencës: Ju presim në një nga stadiumet më të bukura të Evropës

18 maj 11:44

Kryeministri i Republikës së Shqipërisë, Edi Rama ka folur për finalen e Ligës së Konferencës në një intervistë për gazetën prestigjioze italiane të sportit “Tuttosport”. Rama ka treguar mbështetjen për Romën, që është një nga finalistet e kësaj që luhet në Tiranë më 25 maj kundër Feyenordit.

Kryeministri ka thënë se në Shqipëri bëhet tifozllëk për Romën edhe për faktin se është skuadra e vetme që mban lart flamurin e futbollit italian.

“Në radhë të parë përshëndes të gjithë juventinët. Kërkoj ndjesë, por këtu në Shqipëri të gjithë bëjmë tifo për Romën. Për fat të keq, është ende Roma ajo që mban lart flamurin e futbollit italian. Në një vit ku gjërat nuk kanë shkuar mirë për futbollin italian, Shqipëria do të bëjë çmos që ai flamur italian i Romës të ngrihet në ballkonin më të lartë të Evropës me një kupe. I përshëndes të gjithë lexuesit e ‘Tuttosport’, që do të gjejnë nesër një intervistë timen në gazetë. Dhe përfitoj që tu them të gjithë romanistëve që ju presim krahëhapur në një nga stadiumet më të bukura të Evropës për të mbështetur Romën. Forca Roma, forca Italia dhe forca Juventus, por vitin tjetër”, ka thënë Rama.

Lajme të sponsorizuara

Të fundit
Ish-komandanti i UÇK-së në Zonën Operative të Drenicës, Sami Lushtaku,…