Ronaldo mund të rikthehet në Madrid
15 korrik 2022
| 12:51
Cristiano Ronaldo është emri kryesor i kësaj merkatoje, me portugezin që kërkon të largohet me çdo kusht nga Manchester United në mënyrë që të luajë në Ligën e Kampionëve sërish. Me tërheqjen e Chelseat nga gara, duket se nuk kanë ngelur shumë opsione për portugezin që të zgjedhë.
Një lajm i bujshëm ka ardhur nga Spanja, ku “ESPN” raporton se për 37-vjeçarin së fundmi është interesuar dhe Atletico e Madridit.
Gjithsesi në terma financiar kjo duket pak e pamundur për “Colçoneros”, pasi ata kishin dhe probleme për të arritur te zyrtarizimi i Alex Witselit.
Siç thekson media spanjolle, nëse Atletico kërkon të kthejë Ronaldon në Madrid, atëherë duhet të heqë të paktën dy sulmues nga skuadra.