Anila Kristo – Pema, mjeke onkologe, ka folur për betejën e grave me kancerin e gjirit.

Ajo tha se në këto raste qëndrimi afër i familjarëve të jep më shumë forcë për ta përballuar betejën.

Megjithatë tregon ajo ka raste ku pacienti e gjen më tepër forcën te vetja.

I tillë ishte rasti i një vajzë të re, për të cilën mjekja tha se, edhe pse e braktisi bashkëshorti, ajo ia doli ta fitojë “betejën” me kancerin e gjirit dhe gjeti forcën për të jetuar një jetë më të mirë.

“Dua t’ju tregoj rastin e një vajze të re të cilën, në momentin e diagnozës, e la bashkëshorti. Ajo i vazhdoi mjekimet, madje në një moment i bëri analizat me emër tjetër, pasi kishte frikë se në momentin që bashkëshorti e merrte vesh që ajo ishte me kancer në gji, mund t’i kërkonte fëmijën.

Ajo i ka mbaruar mjekimet, po bën 6-7 vjet. Është bërë edhe profesoreshë, por ishte shumë e vështirë”, tregoi mjekja.