Kryetari i Odës Ekonomike të Kosovës, Berat Rukiqi, ka  thënë se zhvillimet e fundit të lidhura me veprimet e Gjykatës Sepciale, përkatësisht konfirmimi i aktakuzave për krerët institucional dhe të luftës për liri, po përcjellen me shqetësim të madh në komunitetin e biznesit. “Ne besojmë fuqishëm që lufta e drejtë për liri dhe pavarësi, nuk mund të gjykohet e as të zhvlerësohet në asnjë gjykatë”, ka thënë Rukiqi.

Postimi i plotë i Rukiqit:

Reagim i komunitetit të biznesit për zhvillimet e fundit në vend të lidhura me veprimet e Gjykatës Speciale

Zhvillimet e fundit të lidhura me veprimet e Gjykatës Sepciale, përkatësisht konfirmimi i aktakuzave për krerët institucional dhe të luftës për liri, po përcjellen me shqetësim të madh në komunitetin e biznesit. Ne besojmë fuqishëm që lufta e drejtë për liri dhe pavarësi, nuk mund të gjykohet e as të zhvlerësohet në asnjë gjykatë.

Këto zhvillime kanë lëkundur themelet e stabilitetit institucional andaj i bëjmë thirrje spektrit politik dhe të gjithë akterëve në vend të veprojnë me unitet, për të garantuar proceset politike dhe ekonomike të cilat janë vendimtare për mirëqenien e qytetarëve të Republikës të Kosovës.

Komuniteti i biznesit është i gatshëm për të dhënë kontributin e vet, në këto zhvillime sfiduese për vendin.