Rusia njofton se e ka zbuluar ilaçin për trajtimin e koronavirusit

29 mars 2020 | 09:53

Autoritetet ruse të shtunën kanë pretenduar se e kanë krijuar një ilaç për trajtimin e koronavirusit. Ky ilaç është i bazuar në ilaçin që përdoret kundër malaries, e që është “Meflokuinë”.

Përmes një deklarate, Agjencia Federale Ruse e Biomjekësisë tha se ky ilaç e parandalon shumimin e virusit në qeliza dhe si rezultat i kësaj e ndalon procesin inflamator që shkaktohet nga koronavirusi.

Veronika Skvortsova, udhëheqëse e kësaj agjencie, tha se “Meflokuina” duhet të kombinohet me antibiotikë për ta arritur efektin maksimal dhe për ta mundësuar praninë më të madhe të agjentëve antiviralë në plazmën e gjakut dhe në mushkëri.

“Kjo do të sigurojë trajtim efektiv të pacientëve me shkallë serioze të infektimit me koronavirus”, tha Skvortsova, shkruan “Anadolu”, transmeton Express.

Lajme të sponsorizuara

Të fundit
Rastet e të infektuarve dhe të vdekurve me koronavirusi po…