Trajneri i Kilit, Reinaldo Rueda, ka pranuar se pret që sulmuesi i Interit, Alexis Sanchez, të jetë jashtë fushave për dy ose tre muaj.

Sanchezi pësoi dëmtim të ligamentit në kyçin e këmbës gjatë barazimit 0-0 të Kilit me Kolumbinë në fundjavë dhe Rueda pranoi se ylli i tij mund të ketë nevojë për operacion për ta përmirësuar problemin.

“Ai mund të përfundojë keq. Interi, klubi i tij, do të vendosë. Mund ta humbim për dy ose tre muaj. Është turp sepse ai kishte filluar të luante përsëri me Interin dhe të shënonte gola, ndërsa gjithashtu të luante në Ligën e Kampionëve. Ai ishte i lumtur dhe super i motivuar. Tani duhet të presim për këto orë vendimtare”, ka thënë Rueda.