Evertoni ka konfirmuar emërimin e Sean Dyche si trajner i i ri i ekipit.

Dyche ka nënshkruar kontratë dyvjeçare e gjysmë me klubin nga Liverpool dhe do të debutojë ndaj Arsenalit në “Goodison Park” të shtunën më 4 shkurt.

Ndihmës të Dyche do të jenë Ian Woan, Steve Sonte dhe Mark Howard.

51-vjeçari do ta zëvendësojë Frank Lampardin e shkarkuar pak kohë më parë për shkak të rezultateve jo të mira. Dyche më parë në Premierligë e ka drejtuar Burnleyn për 10 vite. Evertoni pas 20 ndeshjeve këtë edicion pozicionohet në vendin e parafundit (19) me 15 pikë të grumbulluara.