Pas përzgjedhjes me shumicë votash të Asamblesë së Përgjithshme të Komunitetit Ndërkombëtar të Lojërave Mesdhetare që këto lojëra të organizohen në Prishtinë, ka reaguar edhe drejtori i Qendrës së Studentëve, Fatmir Sfishta.

“Jemi të lumtur t’iu njoftojmë se në arritjen historike të Kosovës për organizimin e Lojërave Mesdhetare Prishtina 2030 edhe Qendra e Studentëve do të japë kontribut në mënyrë që shteti ynë të arrijë suksesshëm të përmbushë këtë përgjegjësi të madhe, duke u shndërruar në “Fshat Mesdhetar”, kështu ka deklaruar drejtori i QS-së, Fatmir Sfishta.

Sfishta ka thënë se Qendra e Studentëve do të akomodojë me mijëra sportistë të cilët do të marrin pjesë në Lojërat Mesdhetare Prishtina 2030.

Njoftimi i plotë i QS-së:

Qendra e Studentëve do të akomodojë me mijëra sportistë në Lojërat Mesdhetare Prishtina 2030

Jemi të lumtur t’iu njoftojmë se në arritjen historike të Kosovës për organizimin e Lojërave Mesdhetare Prishtina 2030 edhe Qendra e Studentëve do të japë kontribut në mënyrë që shteti ynë të arrijë suksesshëm të përmbushë këtë përgjegjësi të madhe, duke u shndërruar në “Fshat Mesdhetar”.

Qendra jonë është përzgjedhur si vend për akomodimin e mijëra sportistëve që do të marrin pjesë në këtë organizim të përmasave ndërkombëtare.

Qendra e Studentëve, ka pasur një zhvillim të hovshëm vitet e fundit dhe është një strehë e sigurte e plot rehati.

Pastërti, qetësi, ushqim i shijshëm e i shëndetshëm do të ofrohet në Mensën tonë.

Qendra e Studentëve viteve të fundit është kthyer në një qendër moderne, që garanton akomodim me të gjitha kushtet dhe me staf shumë mikpritës.

Gjithnjë pjesë e ngjarjeve më të mëdha historike të Kosovës.