Shasha: Sa lehtë Vuçiqi bie në grackën e Kurtit

01 nëntor 15:52

Drejtori i institutit EPIK, Demush Shasha, ka thënë se pjesa më e bukur e punës së targave është siç është shprehur ai “se sa lehtë presidenti i Serbisë, Aleksandër Vuçiq bie në grackën e kryeministrit Albin Kurtit”.

Sipas tij, me ngritjen e gatishmërisë ushtarake, Vuçiqi i është bashkangjitur Vladimir Putinit si të vetmit liderë në Evropë të cilët zgjedhin luftën si mjet primar për zgjidhjen e mosmarrëveshjeve.

“Pjesa më e bukur e kësaj punës së targave është se sa lehtë Vuçiqi bije në grackën e Kurtit. Pak a shumë sikur shëtitja e Thaçit ‘nëpër bukuritë e Kosovës’ në Ujman. Të dy këto akte të Thaçit dhe Kurtit kanë ekspozuar natyrën e dhunshme të Serbisë”.

“Në të dy raste Vuçiqi është përgjigjur akteve krejtësisht paqësore të Thaçit dhe Kurtit me agresivitet të skajshëm luftarak i cili vetëm ka përforcuar narracionin e Kosovës se Serbia është një vend luftënxitës – njëjtë sikur Rusia. Sot me ngritjen e gatishmërisë ushtarake Vuçiqi është bashkangjitur Putinit si të vetmit liderë në Evropë të cilët zgjedhin luftën si mjet primar për zgjidhjen e mosmarrëveshjeve”, ka shkruar Shasha në “Facebook”.

Lajme të sponsorizuara

Të fundit
Aferdita Haziri nga Skënderaj shpall të pavlefshme Diplomën e Fakultetit…