ShBA-ja po shqyrton sanksione shtesë kundër Rusisë

19 shkurt 2018 | 11:22

Sekretari amerikan i Shtetit, Rex Tillerson, ka thënë se Shtetet e Bashkuara të Amerikës (ShBA) janë duke shqyrtuar sanksione shtesë kundër individëve rusë, pas akuzave se administrata është vonuar në zbatimin e ligjit për forcimin e kufizimeve të imponuara ndaj Moskës.

“Kemi ndërmarrë hapa që kanë parandaluar tashmë disa shitje ushtarake ruse, si rezultat i legjislacionit”, ka thënë Tillersoni.

“Po shqyrtojmë edhe individë shtesë për sanksione të mundshme”, ka thënë Tillersoni për televizionin “CBS”.

Sanksionet kanë të bëjnë me ndërhyrjen e dyshuar të Rusisë në zgjedhjet presidenciale në SHBA më 2016.

Kongresi e ka votuar me shumicë dërrmuese Aktin për Kundërshtimin e Kundërshtarëve të Amerikës përmes Sanksioneve, i cili i forcon sanksionet ekzistuese dhe kërkon nga administrata amerikane të marrë leje nga Kongresi për heqjen e tyre.

Ligji është nënshkruar me hezitim nga presidenti Donald Trump, i cili ka bërë fushatë për lidhje më të ngrohta me Moskën.

Fjalët Kyçe:

Lajme të sponsorizuara

Të fundit
Përfaqësuesja e Kosovës në basketboll nga dita e hënë (19…