Shërbimi Korrektues lehtëson masat ndaj Covidit

30 prill 2021 | 15:43

Shërbimi Korrektues i Kosovës (ShKK) ka njoftuar se nga data 5 maj secili i burgosur do të ketë mundësi të pranojë në vizitë dy vizitorë të rritur dhe tre fëmijë.

Familjarët gjatë vizitës së tyre janë të obliguar të respektojnë masat anti-Covid, (distancën sociale, vendosjen e maskës dhe dezinfektimin e duarve).

Ndërsa, nga data 10 maj, do të fillojë lejimin e vikendeve për të dënuarit të cilët plotësojnë kushtet ligjore për shfrytëzimin e vikendit në shtëpi.

Pas kthimit nga vikendi, të burgosurit do t’i nënshtrohen fazës së karantinimit në periudhë kohore prej së paku shtatë ditësh.

Shërbimi Korrektues i Kosovës ka filluar lehtësimin e masave në bashkëpunim me Departamentin Shëndetësor të Burgjeve.

Shërbimi Korrektues i Kosovës ka njoftuar se do të vazhdojë bashkërendimin institucional me institucionet relevante të Republikës së Kosovës dhe do të mbajë të informuar opinionin publik rreth hapave në vazhdim.

Lajme të sponsorizuara

Të fundit
Ditë e re, thirrje e vjetër. Shkoni të vaksinoheni në…