Shtrirja e ujësjellësit në gjashtë fshatra të Kamenicës, në fazat përfundimtare

22 gusht 2019 | 17:16

Nënkryetari i komunës së Kamenicës, Faton Jakupi, bashkë me përfaqësuesin nga Drejtoria e Shërbimeve Publike, Hysen Jerliu, kanë pritur në takim përfaqësuesin e CDI-së, Lavdim Osmani dhe përfaqësuesin e kompanisë së ujësjellësit “Hidromorava”, Sherif Thaçi.

Në këtë takim është biseduar për rrjedhën e punimeve në shtrirjen e ujësjellësit në fshatrat Muçivërc, Dajkoc, Roganë, Hodonoc, Novosellë dhe Shipashnicë të Poshtme.

Përfaqësuesi i CDI-së, Lavdim Osmani e ka njoftuar nënkryetarin Jakupi, me rrjedhën e punimeve në këto fshatra.

Sipas Osmanit, punimet janë në fazën përfundimtare dhe gjithçka ka shkuar në bazë të planit dinamik.

Ndërsa, nënkryetari Faton Jakupi e ka falënderuar përfaqësuesin e CDI-së dhe “Hidromoravës”për gjithë angazhimin e tyre në këtë proces.

/Epoka e re/

Lajme të sponsorizuara

Të fundit
Në vazhdën e projekteve kapitale për përmirësimin e infrastrukturës dhe…