Skënderbeu kampion dimri, Flamurtari i dyti

22 dhjetor 18:40

Skënderbeu është ekipi që e ka mbyllur i pari në klasifikim renditjen pas 16 javësh të luajtura në Kategorinë Superiore për sezonin 2017-2018.

Korçarët kanë grumbulluar plot 37 pikë dhe kryesojnë me diferencë ndaj rivalëve të tjerë, plot 9 pikë më shumë se vendi i dytë.

Flamurtari konfirmohet forca e dytë e kampionatit, teksa me fitoren ndaj Kamzës shkon në kuotën e 28 pikëve. Laçi i surprizon të gjithë, teksa pas 16 takimesh gjendet në vendin e tretë, me 27 pikë. Kukësi dhe Partizani kanë dalë nga pritshmëria këtë edicion, teksa gjenden përkatësisht në vendin e katërt dhe të pestë, me 25 dhe 24 pikë.

Kamza ka rrëshqitur në vendin e gjashtë, me 23 pikë, teksa në tri javët e fundit ka marrë vetëm humbje. Luftëtari merr ajër në fundin e tabelës. Me fitoren ndaj Kukësit gjirokastriteët ngjiten të shtatët, me 19 pikë. Teuta dhe Vllaznia kanë nga 15 pikë, ndërsa Lushnja mbyll Superioren me vetëm tetë pikë të grumbulluara në 16 javë.

Lajme të sponsorizuara

Të fundit
Ambasadori amerikan në Kosovë, Greg Delawie, ka reaguar përmes një…