Notarja Medina Surdulli është nderuar me Medaljen Presidenciale të Meritave pas suksesit të treguar në garën ndërkombëtare të notit për personat me Sindromën Dawn, duke zënë vendin e parë.

Gëzimin për këtë nder nuk e ka fshehur protagonistja që korri suksese ndërkombëtare, Medina Surdulli, e cila, duke falënderuar presidentin, tha se ndihet tejet e lumtur. I pari i shtetit ka lexuar deklaratën me tonë ceremonial para Medina Surdullit dhe familjarëve të saj.

“Medalja Presidenciale e Meritave i jepet Medina Surdullit për të arritura të larta në sportin e notit”, ka thënë presidenti Hashim Thaçi. Kujtojmë se në këtë garë ndërkombëtare kanë marrë pjesë persona me Sindromën Down nga 11 vende: Britania e Madhe, Danimarka, Estonia, Turqia, Irlanda, Maqedonia, Romania, Shqipëria, Suedia dhe Kosova, e cila njëherësh ishte edhe organizatore e kësaj ngjarje sportive.