Stoltenberg flet me Kurtin dhe Vuçiqin: Prishtina dhe Beogradi t’i kthehen dialogut
26 shtator 2021
| 15:37
Sekretari gjeneral i NATO-s, Jens Stoltenberg, ka bërë me dije se ka diskutuar sot me kryeministrin Albin Kurti dhe presidentin Aleksandar Vuçiq, lidhur me situatën në veri të Kosovës.
Në llogarinë e tij në “Twitter”, ai ka shkruar se është qenësore që Prishtina dhe Beogradi të rikthehen në dialog.
“Kam biseduar me presidentin e Serbisë, Aleksandar Vuçiq dhe kryeministrin e Kosovës, Albin Kurti për nevojën e ç’tensionimit të situatës në veri të Kosovës. Është qenësore për të dyja Beogradin dhe Prishtinën të përmbahen dhe t’i rikthehen dialogut. Mandati i NATO-s dhe i KFOR-it mbetet sigurimi i një mjedisi të sigurt dhe liri të lëvizjes për të gjithë”, ka shkruar Stoltenberg.