Kryesuesi i Bordit Mbikëqyrës të kombinatit “Trepça”, Ardian Syla, ka thënë se dita e sotme, përkatësisht regjistrimi i ndërmarrjes “Trepça”, Shoqëria Aksionare, shënoi ngjarje historike për Republikën e Kosovës, por edhe për punëtorët e “Trepçës”.

“Kjo është ngjarje historike për shtetin e Kosovës dhe gjithë punëtorët e Trepçës pasi që nga sot, ndërmarrja Trepça shoqëri aksionare ekziston, nga sot gjithë punëtorët gëzojnë të drejtën e tyre si aksionarë në Trepçë”, shkroi Syla.

Postimi i plotë Sylën në profilin e vet në “Facebook”:

Të nderuar qytetarë,

Pata nderin dhe privilegjin që së bashku me ministrin e Zhvillimit Ekonomik z. Lluka të pranojmë certifikatën e biznesit të Trepça sh.a. nga ministri i Tregtisë dhe Industrisë z. Shala.
Pra, sot përfundimisht përfundojë regjistrimi i Trepça sh.a. dhe sot kemi ndërmarrjen më të re, shoqërinë aksionare më të re në Republikën e Kosovës.

Kjo është ngjarje historike për shtetin e Kosovës dhe gjithë punëtorët e Trepçës pasi që nga sot, ndërmarrja Trepça shoqëri aksionare ekziston, nga sot gjithë punëtorët gëzojnë të drejtën e tyre si aksionarë në Trepçë.
Por, më e rëndësishmja është që nga sot i hapen rrugët për zhvillimin e qëndrueshëm ekonomik të Trepçës përmes hapjes së rrugëve për investime.

Falënderoj përzemërsisht gjithë ata që kontribuan për këtë moment historik.

Urime dhe Me Fat!