Ministri i Drejtësisë, Abelard Tahiri, ka thënë se rritja e pagave për zyrtarët qeveritarë do të thotë se edhe gjykatësit e prokurorët do të marrin pagë më të lartë.

Këtë deklaratë ai e ka dhënë në konferencën e fundvitit të Këshillit Prokurorial dhe atij Gjyqësor të Kosovës, duke theksuar se pret që kjo të sjellë edhe rezultate konkrete në punën e tyre, sidomos në luftën kundër korrupsionit.

Me këtë nivel rritje, prokurorët dhe gjyqtarët kosovarë mund të kenë pagat më të larta në rajon, pasi Qeveria Haradinaj mori vendim që të rrisë pagat për stafin e qeverisë, përfshirë kryeministrin, të cilit iu rrit paga gati 100 për qind. KK