Një person ka raportuar në polici se derisa ishte duke lëvizur me veturën e tij, dy të dyshuar kanë shtënë me armë zjarri në drejtim të tij.

Rasti ka ndodhur mbrëmjen e së enjtes në Graqanicë, ka bërë të ditur policia në raportin 24 orësh.

Si pasojë e të shtënave janë shkaktuar dëme materiale në veturën e viktimës, ndërkaq në vendngjarje janë gjetur dhe konfiskuar dy gëzhoja dhe një predhë e pa shkrepur.

“Graqanicë 27.01.2022 – 17:00. Viktima mashkull kosovar deri sa ishte duke lëvizur me veturën e tij, ka raportuar se nga një veturë tjetër në lëvizje në të cilën ndodheshin dy të dyshuar, është shtënë me armë zjarri në drejtim të tij. Si pasojë e të shtënave janë shkaktuar dëme materiale në veturën e viktimës. Në vendin e ngjarje janë gjetur dhe konfiskuar dy gëzhoja dhe një predhë e pa shkrepur. Nuk raportohet për të lënduar përderisa rasti është duke u hetuar”, ka bërë të ditur policia.