Lëkundje të lehta të tërmetit janë dëgjuar sot pasdite në Kosovë.

Mirëpo, Qendra Sizmologjike Mesdhetare Evropiane ka njoftuar se epiqendra e tërmetit prej 5.7 ballësh ishte Rumani.

Sipas ueb-faqes të kësaj qendre, tërmeti kishte epiqendrën 73 kilometra në verilindje të Drobeta-Turnu Severin.

Thellësia e tërmetit ishte 10 kilometra nga sipërfaqja e tokës.

Njoftimi për dridhje të tokës në Rumani, vijnë në kohën kur Turqia dhe Siria po përballen me pasojat e tërmeteve shkatërruese të 6 shkurtit që kanë marrë jetën e mbi 35.000 personave.