Për më pak se një javë në Kosovë tre të mitur kanë vdekur tragjikisht. Një pesëvjeçar është goditur për vdekje në Lubizhdë të Hasit nga një 17-vjeçar që ishte nisur me veturë për të blerë harç për shtëpi. Një vajzë 16 vjeçe nga Podujeva ka vdekur pas lëndimeve të marra në aksidentin ku edhe gjashtë persona të tjerë mbetën të lënduar. Ndërkaq mbrëmë, në Runikë të Skenderajt, policia ka njoftuar se ka vdekur një pesë vjeçare që, po ashtu, është goditur nga vetura.