Trumpi: Kurrë nuk kam punuar për Rusinë

15 janar 10:50

Presidenti i Shteteve të Bashkuara, Donald Trump, ka thënë se ai asnjëherë “nuk ka punuar për Rusinë”.

Trumpi këtë deklaratë e ka bërë si një përgjigje lidhur me pretendimet e ngritura për lidhjet e tij me presidentin Vladimir Putin.

Ai i ka quajtur raportimet e tilla si një “gabim të madh”.

Trumpi i ka bërë këto komente të hënën pas një raporti të gazetës “Washington Post” ku është thënë se presidenti amerikan i kishte fshehur detajet e bisedës së tij me Putinin.

Presidenti Trump gjatë një interviste për “Fox News” më 12 janar ka mohuar se kishte fshehur detajet e bisedave të tij me Putinin nga zyrtarët e administratës.

“The Washington Post” ka theksuar se të paktën një herë, në Hamburg në vitin 2017, Trumpi ka marrë fletët e përkthyesit pas bisedimeve me Putinin dhe e ka udhëzuar atë person për të mos diskutuar me zyrtarë tjerë se çfarë kishte transkriptuar.

Fjalët Kyçe:

Lajme të sponsorizuara

Të fundit
Ambasadori i Gjermanisë në Serbi, Thomas Schieb, ka deklaruar se…