E ardhmja e Thomas Tuchel si trajner i Bayern Munchen duket se është në rrezik pas humbjes së pësuar ndaj Bayer Leverkusen në kampionat. Shumë do të varet sot nga ndeshja e Ligës së Kampionëve ndaj Lazio, por klubi po mendon të riktheje në stol një njohje të vjetër.

Sipas informacioneve të raportuara nga gazeta “Bild”, drejtuesit e Bayern Munchen po mendojnë një rikthim të bujshëm të Hansi Flick. Ish-trajneri, i zëvendësuar nga Julian Nagelsmann është një nga emrat më të rëndësishëm në kërkim të një ekipi.

“Disa drejtues të Bayernit imagjinojnë një rikthim për Flick. Ka pasur tashmë biseda mes tyre. Flick, aktualisht shpenzon shumë kohë në banesën e tij duke parë shumë ndeshje futbolli dhe duke ndjekur nga afër atë që bën Bayern, megjithëse ndihet i nderuar edhe nga interesimi i Barcelonës”, shkruan “Bild”