Valentino Rossi ka zhvilluar të dielën garën e tij të fundit para publikut të tij, në pistën italiane të Misano. Ai u klasifikua i 10-ti, rezultati i tij më i mirë sezonal me Yamaha Petronas.

Por, mbi të gjitha, i gjithë publiku ishte veshur me të verdhë dhe mbante numrin 46 në duar.

“Ishte gjithçka e jashtëzakonshme, mjaft e bukur. Kam menduar që të ruaj këtë kujtim në mendjen tim dhe të mos i zhvilloj dy garat e fundit. Atmosfera ishte fantastike dhe i falënderoj të gjithë për mbështetjen që më kanë dhënë në gjithë këto vite. Faleminderit”, ka thënë Rossi.