Liverpooli do të sfidojë Luton nesër në mbrëmje me objektivin për të ruajtur vendin e parë. Para kësaj ndeshjeje, mbrojtësi Virgil Van Dijk ka folur për ambiciet e këtij sezoni.

“Ne nuk mund ta mohojmë se kemi pasur shumë lëndime, kemi humbur lojtarë të mëdhenj gjatë rrugës, kështu që duhet të përshtatemi. Natyrisht, kemi nevojë për të gjithë lojtarët në këtë betejë. Ne jemi ende në garë në të gjitha frontet, do të vazhdojmë kështu deri në momentin e fundit për të fituar. Nuk mund t’i heqim sytë nga topi. I kemi cilësinë për t’i ndëshkuar kundërshtarët dhe këtë e treguam kundër Brentford.

Gara për titull? Qetësia është gjëja më e vështirë për t’u pasur, nëse jeni nën presion ose me nxitim. Më e mira është të qëndrojmë të qetë, sado e vështirë të jetë rruga e mbetur e sezonit.

Ne luajmë në Premier League, luajmë kundër skuadrave të vështira që duan t’ju lëndojnë dhe largojnë nga vendi i parë. Pra, duhet të jemi gati për të vuajtur. Nuk jemi një ekip perfekt, por duhet të ecim përpara. Arsenali e shtyu sezonin pothuajse deri në fund. Është një kampionat shumë, shumë i vështirë. Kur rivalizoni me skuadra si City apo Arsenali, që kanë aq shumë cilësi, çdo gjë mund të ndodhë”, deklaroi Van Dijk.