Deputeti Lidhjes Demokratike të Kosovës (LDK), Agim Veliu, ka thënë se nuk do të lejojnë shkelje me mosdekretimin e Kryeprokurorit të Shtetit nga presidentja Vjosa Osmani.

Me këtë rast, Veliu ka adresuar kritika ndaj të parës së vendit, për mënyrën sesi po e trajton këtë rast.

Ai ka thënë se do ta bëjnë të pamundurën që të mos lejojnë shkelje të tilla.

“Këto janë veprime që janë në kundërshtim me normat dhe rregullat e Kushtetutës. Të shohim si do të veprojë më tutje. Unë besoj se nëse ndodh shkelje, ne si LDK do të bëjmë përpjekje që këto shkelje të mos i lejojmë”, tha Veliu për EO.