Një 40 vjeçar me inicialet I.C nga Gjilani ka mbetur i vdekur, pasi është therur me thikë nga i dyshuari B.Z, po nga ky qytet.

Ngjarja që ndodhi rreth orës 13:15 dyshohet se erdhi si shkak i fjalosjes së dyshes mes veti, pasi paraprakisht viktima e kishte kërcënuar të dyshuarin një natë më parë në shtëpinë e tij.

Edhe dëshmitarët që panë nga afër ngjarjen thanë se u tronditën me atë që panë, shkruan Klan Kosova.

Nga Spitali i Gjilanit konfirmuan se i ndjeri kishte vdekur në vend të ngjarjes teksa kishte plagë në qafë, gjoks, shpinë dhe dorën e djathtë.

Me urdhër të prokurorit, të dyshuarit i është caktuar masa e ndalimit për 48 orë derisa trupi i pajetë është dërguar për obduksion.