Avokati Azem Vllasi ka dalë me një propozim për tejkalimin e ngërçit politik.

Ai ka bërë me dije se rrugëdalja nga kjo situatë është një koalicion LV – LDK.

Në emisionin “InfoNata” në “Tëvë1”, Vllasi ka thënë se në këtë koalicion posti i kryeparlamentarit duhet t`i takojë kryetarit të LDK-së, Lumir Abdixhiku.

“Sipas mendimit tim, pozicionet janë definuar aq mirë ku patjetër duhet një koalicion, një qeveri e koalicionit. Duhet një qeveri e koalicionit, partia që ka më së shumit vendet në parlament, Vetëvendosje bashkë me Lidhjen Demokratike të Kosovës dhe pakicat jo serbe. Një koalicion stabil. Kryetarit të LDK-së ti jepet kryetari i Kuvendit ose nënkryetari i qeverisë dhe vende proporcionalisht me numrin e deputetëve që i ka”, ka thënë Vllasi.