Vuçiq: Mos prisni të ju gënjej se Amerika ka ndryshuar qëndrimin për Kosovën

26 shkurt 2020 | 20:30

Presidenti i Serbisë, Aleksandar Vuçiq, është ftuar nga organizata jo qeveritare Komiteti Amerikan- Izraelit për Çështje Publike, në konferencën e së cilës janë edhe Sekretari i Shtetit Amerikan Mike Pompeo, Zëvendës Presidenti Amerikan, Mike Pence si dhe i Dërguari Special i Presidentit Amerikan për dialogun Kosovë-Serbi, Richard Grenell.

Vucic tha se nuk duhet pritur që SHBA dhe asnjë lojtar tjetër ndërkombëtar do të ndryshoj qëndrim për- siç e quan ai- të ashtuquajturën Kosovë. Megjithatë ai shprehet krenar se si president i Serbisë është ftuar në këtë konferencë vjetore dhe e sheh si arritje e madhe e Serbisë.

Vucic përsëriti një qëndrim të tijin që Serbia mund të përfitoj diçka më shumë e të humbas më pak, sipas tij një përmirësim i gjendjes së Serbisë, tha ai në televizionin serb O2.

“Kudo shkoj, jam aty për të luftuar për përmirësimin e pozitës së Serbisë, por mos prisni të gënjej e të them se ata kanë ndryshuar qëndrim. Ne jemi të vegjël për Gjermaninë, Amerikën, Francën Anglinë që ata të ndryshojnë mendjen. Në thelb nuk do ta ndryshojnë qëndrimin, a do të mund të fitojmë më shumë, të humbim më pak, të përmirësojmë gjendjen e Serbisë”.

Presidenti serb Vuçiq është i ftuar në këtë konferencë vjetore të AIPAC e cila do të mbahet prej 1 deri 3 mars.

Lajme të sponsorizuara

Të fundit
Prishtina do të luajë kundër Ballkanit të shtunën në ndeshjen…