Adnan Januzaj ka refuzuar rinovimin me Real Sociedadin, teksa nga një janari është i lirë të zgjedhë vetë të ardhmen.

Sipas medieve britanike, dëshira e ish-fantazistit të Manchester Unitedit është që të rikthehet në Premierë Ligë dhe ka pasur negociata paraprake me londinezët e West Hamit.

Interesim për 26-vjeçarin ka treguar edhe Barcelona, e cila po kalon nëpër një krizë financiare. Transferimi i Januzajt mund të realizohet në “Camp Nou” me parametra zero dhe, gjithashtu, ka aktualisht një pagë prej 1.8 milion eurosh në sezon, ndaj drejtuesit e Barcelonës mund ta joshin me një shifër jo më të lartë se 3 milionë eurot në vit.