Menaxheri i Barcelonës, Xavi Hernandez dukej i frustruar kur u pyet nëse shtrirja përfundimtare drejt fitimit të titullit të La Ligës po bëhej e gjatë për të.

Xavi po fliste përpara ndeshjes së Barcelonës të shtunën mbrëma me Real Betis, pas asaj që ai e quajti “performanca më e keqe e sezonit” kundër Rayo Vallecano.

“Nuk e kuptoj kur më pyet nëse liga është e gjatë. Ajo që ishte një përjetësi ishte vitin e kaluar. Kjo nuk më duket e gjatë, më bën të lumtur”, ka thënë Xavi. “Ndonjëherë nuk i kuptoj gjërat. Po kaloj mirë në këtë ligë. Mendoj se po konkurrojmë mirë. Cila mendje nuk do ta kishte marrë këtë në fillim të sezonit? Unë kaloj një kohë të mrekullueshme”. Xavi u pyet nëse ishte i befasuar me tonin kritik të tifozëve dhe medieve ndonjëherë, pavarësisht suksesit të tyre në vend.

“Nuk më habit. Ky është klubi më i vështirë në botë. E thashë tashmë. Të fitosh 1-0 këtu nuk ia vlen, e kam thënë tashmë në prezantimin tim. Kemi fituar shumë 1-0 duke luajtur shumë mirë. Këtu duhet të bindim. Njerëzit nuk e shohin nga brenda, por ne nuk do ta rrahim veten. Ne e vlerësojmë vërtet atë që po bëjmë, por duhet ta fitojmë këtë ligë”, përfundoi trajneri i Barcelonës.