Xhaka tregon kush ia kishte paguar dënimin për festimin me shqiponjë kundër Serbisë

15 qershor 22:08

Granit Xhaka ka bërë të ditur se dënimin prej 10 mijë frangash, për festimin me shqiponjë në ndeshjen e Kupës së Botës 2018 kundër Serbisë – atij dhe Xherdan Shaqirit ia kishte paguar një biznesmen shqiptar.

Xhaka dhe Shaqiri shkaktuan tërmet dhe reagime të mëdha – sidomos ankesa nga Serbia e cila i akuzoi ata për festim politik të golave – kur i festuan dy golat e fitores së Zvicrës 2:1 kundër Serbisë në një ndeshje të Grupit E në Botërorin e Rusisë duke e bërë shqiponjën dykrerëshe, që është simbol në flamurin kombëtar shqiptar, shkruan “Gazeta Express”.

Dyshja nga Kosova rrezikoi pezullim të gjatë, por FIFA vendosi kundër një vendimi të tillë dhe i dënoi ata vetëm me gjoba.

Mesfushori i Arsenalit dhe sulmuesi i Liverpoolit u gjobiten me nga 10 mijë franga zvicerane secili, por morën edhe një paralajmërim nga organi qeverisës i futbollit botëror se do të ndëshkohen rëndë nëse e përsërisin të njëjtën gjë në të ardhmen.

Xhaka –  i cili është në Prishtinë aktualisht për “Lojën e Yjeve”, ku skuadra e tij do të përballet me atë të Milot Rashicës për bamirësi – ka bërë të ditur se një biznesmen shqiptar ia kishte paguar dënimin e FIFA-s.

Lajme të sponsorizuara

Të fundit
Një person ka vdekur si pasojë e rrokullisjes së traktorit…