Zëvendësministri i Mbrojtjes: FSK-ja shumë shpejt do të pajiset me helikopterë

21 janar 2022 | 13:54

Duke marrë parasysh rreziqet që i kanosen Kosovës është e rëndësishme që çdo i ri të i dalë në mbrojtje vetes dhe të tjerëve. Madje është e domosdoshme të bëjmë shërbim të detyrueshëm ushtarak.

Kështu ka thënë zëvendësministri i Mbrojtjes, Shemsi Syla, në debatin “Fol Hapur”, të organizuar nga Lëvizja “Fol”.

Syla ka thënë se anash nuk do të mbesë shkollimi i oficerëve dhe nënoficerëve të FSK-së, për të cilët bërë me dije se do të shkollohen jashtë vendit.

“Është shumë me rëndësi që për gjashtë muaj i riu të jetë i përgatitur për siguri. Në një punë sistematike në reparte ushtarake gjashte muaj do të ishte për ne shumë e rëndësishme. Në anën tjetër duke marrë parasysh rreziqet që i kanosen vendit, është e rëndësishme që çdo i ri të i dalë në mbrojtje vetes dhe të tjerëve. Duke marr parasysh krejt këtë, në të ardhmen është e domosdoshme të bëjmë shërbim të detyrueshëm”, ka thënë Syla.

Ai ka folur edhe për rrezikun e armatimit të Serbisë. Teksa ka folur për këtë, ai ka thënë se Kosova shumë shpejtë do të pajiset me helikopterë. “Ne jemi në prag që shumë shpejt të pajisemi me helikopterë. Në vitin që shkoi, me 400 kadetë i kemi plotësuar kuadrot dhe kjo shkon në kapacitet. Ndërsa për këtë vit 820 rekrutë do pranohen në Forcat e Sigurisë”, ka thënë Syla.

Sukses, Syla e ka konsideruar performancën gjatë operacioneve të ndryshme brenda dhe jashtë vendit. Të njëjtën thotë se e kryen në strehimin e refugjatëve afganë dhe ndihmës që i bënë qytetarëve gjatë procesit të vaksinimit nëpër fshatra të thella. “Ushtarët tonë treguan performancë të jashtëzakonshme. Ushtarët tanë kryen operacion të jashtëzakonshëm për strehimin e refugjatëve afganë. Për herë të parë në një stërvitje në Evropë dhe Afrikë në 20 shtete ne ishim pjesë dhe treguam sukses të mirë. Ne kemi pas punë të mëdha në mbështetje të autoriteteve civile. Në fazën e pandemisë ne ishim në mbështetje të organeve tona për të mbështetur vaksinimin në shumë qytete e fshatra dhe ndihmesa të tjera”, ka thënë ai.

Sfidë për këtë institucion të sigurisë, ka thënë Syla është deminimi dhe frika e bombave të pashpërthyera.

Për hyrjen e FSK-së në NATO, zëvendësministri Syla ka thënë se fokus është ndihma që do të na bëjnë shtetet që FSK-ja të jetë anëtare e kartës se Atlantikut. “Ne gjithmonë e kemi ngrit këtë çështje që të jemi pjesë e forumeve. Ku për rrugën në NATO duhet plotësuar disa kushte. Jemi drejt rrugës së duhur. Është rrugë e gjatë dhe e drejtë. Gjithnjë synimet tona janë të qarta dhe një prej objektivave të ministrit është ta kemi kontrollin civil, llogaridhënien dhe transparencën. Në këtë drejtim ne kemi punuar ngushtë që brenda FSK-së llogaridhënia të jetë prezente”, ka thënë zëvendësministri i FSK-së, Shemsi Syla.

Lajme të sponsorizuara

Të fundit
Gjykimi ndaj Hysni Gucatit dhe Nasim Haradinajt po vazhdon me…