Zyra e sekretarit të përgjithshëm të Kuvendit të Republikës së Kosovës, ka sqaruar se bazuar në praktikën e deritashme të Kuvendit, votimi për zgjedhjen e kryetarit të Kuvendit, të nënkryetarëve të Kuvendit dhe të qeverisë, bëhet me dorë.

Pas interesimit të medieve rreth votimit të qeverisë, Zyra e sekretarit të përgjithshëm të Kuvendit, ka bërë me dije se Qeveria Hoti është votuar me 61 vota, ku në seancë kanë marrë 87 deputetë.

Sqarim lidhur me rezultatin e votimit në seancën e sotme të Kuvendit:

Zyra e sekretarit të përgjithshëm të Kuvendit të Republikës së Kosovës

Bazuar në praktikën e deritashme të Kuvendit, votimi për zgjedhjen e kryetarit të Kuvendit, të nënkryetarëve të Kuvendit dhe të qeverisë, bëhet me dorë.

Rrjedhimisht, Kuvendi nuk ka mbajtur as nuk mban evidencë me emra të deputetëve, të cilët marrin pjesë në këto votime.

Megjithatë, për shkak të interesimit të madh të medieve dhe kohës së gjatë deri në nxjerrjen e transkriptit, po pasqyrojmë rezultatet e votimit në seancën e sotme të jashtëzakonshme (03. 06. 2020), për zgjedhjen e Qeverisë së Republikës së Kosovës, sipas grupeve parlamentare:

GP i LDK-së: prezentë 26 deputetë, munguan: Vjosa Osmani dhe Haxhi Avdyli

Votimi: 25 për, 1 abstenim

GP i PDK-së prezentë: 24 deputetë

Votimi: 24 kundër

GP i AAK-së: prezentë 13 deputetë

Votimi: 12 për (deputetja Donika Kadaj-Bujupi e ka liruar sallën në kohën e votimit)

GP NISMA + AKR: prezentë 6 deputetë

6 për

GP i Listës Serbe: prezentë 10 deputetë

Votimi: 10 për

Minoritetet jo serbe: prezentë 8 deputetë. Munguan: Zikreta Aliti dhe Elbert Krasniqi

Votimi: 8 për

Rezultati përfundimtar:

Prezentë në sallë kanë qenë 86 deputetë

61 deputetë kanë votuar PËR

24 deputetë KUNDËR

1 deputet ka ABSTENUAR