Kryetari i Podujevës, Shpejtim Bulliqi, ka bërë me dije se të premten është bërë shpërndarja e 75 motokultivatorëve për fermerët përfitues të kësaj komune.

Ai ka thënë se ky  projekt po realizohet nga buxheti i komunës me participim edhe të fermerëve në vlerë 30 për qind.

“Ky projekt është në vazhdën e shumë projekteve të tjera që jemi duke i realizuar në sektorin e bujqësisë. Fermerët përfitues i urova, si dhe iu premtova që do të vazhdojmë mbështetjen  ndaj fermerëve të vyeshëm, në mënyrë që të lehtësojmë punën fisnike të tyre”, ka shkruar Bulliqi në “Facebook”.