Kryetari i Komunës së Prizrenit, Shaqir Totaj, ka pritur në takim ambasadorin e Luksemburgut në Kosovë, Eric Dietz, me të cilin ka diskutuar për fuqizimin e marrëdhënieve në të gjitha sferat, që do të ndikonin në zhvillimin e jetës kulturore, sportive, arsimore dhe biznesore në këtë komunë.

“Me theks të veçantë biseduam për zhvillimin ekonomik duke u fokusuar në trajnimin e të rinjve për tregun aktual të punës dhe ecjen në hap me teknologjinë informative. Gjithashtu, shtjelluam mundësinë e shkëmbimit të artistëve në festivale të të dyja shteteve që do ta ngrinin nivelin artistik në nivele të larta”, ka shkruar Totaj në “Facebook”.