Në shtëpinë e kulturës “Xheladin Kurtaj” në Kaçanik është hapur ekspozita “Kolonia artistike Strazhë”, ku janë prezantuar veprat e një plejade artistësh të shquar si Edmond Dhrami, Musa Prelvukaj, Veton Gusia, Hajrush Fazliu, Agron Mulliqi, Muhamet Ahmeti-Metis, Naim Spahiu dhe Qazim Xhylani. Kështu ka bërë të ditur deputeti i Partisë Demokratike në Kuvendin e Kosovës, Elmi Reçica.

Njoftimi i plotë:

Sot, në prani të miqve, kolegëve dhe artdashësve, u bë hapja solemne e ekspozitës “Kolonia artistike Strazhë”, në shtëpinë e kulturës “Xheladin Kurtaj” në Kaçanik.

Kjo ekspozitë është organizuar në shenjë respekti për ngjarjet historike që kanë ndodhur në këtë qytet si dhe për të festuar ditën e çlirimit. Nën kurimin e mjeshtrit të artit z. Haki Xhakli, u prezantuan veprat e një plejade artistësh të shquar si Edmond Dhrami, Musa Prelvukaj, Veton Gusia, Hajrush Fazliu, Agron Mulliqi, Muhamet Ahmeti-Metis, Naim Spahiu dhe Qazim Xhylani.

Ekspozita përbën një simfoni ngjyrash dhe formash, ku çdo vepër flet me zë të veçantë dhe përçon emocione të thella.