Një aksident trafiku i rëndë ka ndodhur sot rreth orës 18:45 në fshatin Baballoq të komunës së Deçanit, që fatkeqësisht përfundoi me fatalitet.

Si pasojë e këtij aksidenti ku kanë qenë të përfshira dy vetura ka mbetur një person i vdekur, ndërsa dy të tjerë kanë marrë lëndime trupore.

Sinjali mëson ekskluzivisht se viktima e këtij aksidenti është Zejnije Elezaj, rreth 45 vjeçare, ndërsa i lënduari është Mic Elezaj, rreth 21 vjeçar i cili po merr trajtim mjekësor.

Ndërkaq, Policia ka zbuluar detaje për këtë aksident ku njofton se tre persona kanë pësuar lëndime si pasojë e përplasjes, ndërsa janë transportuar me urgjencë për në Spitalin Rajonal të Pejës. Fatkeqësisht, njëra nga viktimat është dërguar në spital pa shenja jete, siç ka konfirmuar ekipi mjekësor.