Kreu i Degës së LDK’së në Rahovec, Burim Krasniqi, në një intervistë për Kosova Live ka thënë se sot mund të dorëzohen në parti nënshkrimet e mbledhur për të thirrur Kuvendin e jashtëzakonshëm të LDK’së, shkruan Express. Kransiqi ka thënë se nga informatat që ka nga grupi iniciues janë mbledhur mbi 160 nënshkrime.

“Sipas informatave që i kam, grupi iniciues, është e mundur që nënshkrimet të dorëzohen sot. Janë mbledhur mbi 160 nënshkrime nga informatat që i kemi prej grupit iniciues”, ka thënë ai. “Brenda 60 ditëve duhet të thirret kuvendi i jashtëzakonshëm. Atëherë shihet rezultati” , ka shtuar Krasniqi.