Një person ka humbur jetën si pasojë e një aksidenti trafiku që ka ndodhur sot në fshatin Muhovc të Ferizajt.

Rastin e ka konfirmuar zëdhënësi i Policisë për rajonin e Ferizajt, Kanun Veseli.

Veseli ka bërë të ditur se Policia ka pranuar informatën për aksidentin rreth orës 16:30, ku një person kishte pësuar lëndime të rënda.

Sipas tij, në aksident është përfshirë një veturë me targa vendore, në të cilën ndodheshin dy persona.

Si pasojë e aksidentit, njëri nga personat ka humbur jetën, ndërsa personi tjetër ka pësuar lëndime dhe është dërguar për trajtim mjekësor në Emergjencën e Ferizajt.

“Në vendin e ngjarjes kanë dalë njësitë policore të stacionit policor dhe Njësia Rajonale e Komunikacionit Rrugor, ndërsa për rastin është njoftuar edhe Emergjenca e Ferizajt”, ka deklaruar Veseli.

Lidhur me rastin është njoftuar prokurori i shtetit, ndërsa njësitet e trafikut kanë ndërmarrë të gjitha veprimet e nevojshme për hetimin e rastit.

Policia ka bërë të ditur se për detaje të tjera lidhur me rastin do të njoftojë përmes raportit vijues.