Sulmuesi anglez, Harry Kane, pritet të nisë së shpejti negociatat me Bayernin për rinovimin e kontratës.

Marrëveshja aktuale e 32-vjeçarit me klubin bavarez skadon në qershor të vitit 2027, ndërsa Bayerni synon ta zgjasë atë deri në vitin 2029.

Kane është shndërruar në një nga lojtarët kryesorë të skuadrës së Vincent Kompany dhe ka pasur një ndikim të jashtëzakonshëm që prej transferimit nga Tottenham.

Sulmuesi anglez ka shënuar 146 gola në 147 paraqitje me fanellën e Bayernit, duke u konfirmuar si një prej golashënuesve më të rëndësishëm në historinë e klubit.

Palët pritet të diskutojnë në detaje kushtet e marrëveshjes së re, ndërsa Bayerni dëshiron ta mbajë Kane në Mynih edhe për disa vite të tjera.