Liverpooli ka rikthyer interesimin për sulmuesin e Real Madridit, Endrick.

Klubi anglez po shqyrton mundësinë e paraqitjes së një oferte prej rreth 65 milionë eurosh për brazilianin.

Endrick, 20-vjeçar, është rikthyer në Madrid pas huazimit te Lyoni, ndërsa konkurrenca e madhe në repartin ofensiv mund të ndikojë në të ardhmen e tij.

Real Madridi pritet të marrë një vendim për të ardhmen e sulmuesit, duke vlerësuar nëse do ta mbajë në skuadër apo do të shqyrtojë mundësinë e shitjes së tij.

Liverpooli ndërkohë po e monitoron nga afër situatën dhe mund të bëjë një lëvizje konkrete nëse klubi madrilen vendos ta nxjerrë lojtarin në treg.